[center]Oggetto: Poexìa d'amo pe mæ muæ Sab Lug 12, 2008 10:11 am
Tanti cavélli gianchi
cùmme a néje
öggi vispi che amìan sempre luntàn
ti te mesci cianin, ricordu e séje
che anàvimu ai giardìn davanti au mâ
Te piaxeiva sciurtì de seja a màzzu
co e luxiule che ne fàvan compagnìa
ghe illuminàvan i caruggi ch'ean da puìa
e pe mesciàte te dovéivimo pregä
Oua capìscio,
a l'ea tûtta stanchéssa
de n'a giurnà pe a famìggia dedicâ
lavâ , cuxiì, stiâ e fa u mangiâ
fàne stà tutti bén, a tô certèssa
Mi te ringrassiu muæ
pe tûttu quéllu
che con l'esémpio t’ae sacciû inculcâ
perchè a vìtta no l'é fæta de palànche
se ghè l’amoû se pô , tutto se fa
Oua che nuiàtri
semmu quaexi tûtti vêgi
e ti, bisnonna , ancùn ti fæ i rajôe
ti pægi suéna
ciû suéna dei tô fìggi
e amiàte cuscì bella
fa ben au côe
♥
♥♥
9 Luglio 2008
dedicata a mia madre Angela , detta Giulina
92 anni oggi